偉大的母親

明天係我的農曆生日，家人提早了一天為我慶祝，本應是很開心的一天，但今天我流了很多眼淚，不過這些都是感動的眼淚，相信除了我，今天有很多香港人都流下不少眼淚。

在家中跟爸媽排排坐一起觀看肥姐的追思會直播，眼淺的我在節目開首播出肥姐留給我們的說話片段已流淚，最打動我心的是：你鍾唔鍾意呢份工作，如果鍾意就要俾心機去做，仲要抵得諗，唔好怕蝕底。另外，咁多個上台說話的嘉賓，最令我感動的係曾志偉的一番話。欣宜今日的表現真係好好，果然係肥肥的寶貝女。

一路以來都知道肥肥係個偉大的母親，好疼欣宜，現在欣宜長大成人，卻失去報答媽媽的機會。其實我家也有一位偉大的母親，今天她為我準備左豐富的晚餐，其中有我最喜愛的冬菇蚊雞翼，同埋媽媽最拿手的菠蘿炸排骨。

願天下的子女都孝順父母，懂得珍惜。

終於可以玩喇

因為Lily's birthday, 前晚同班舊同事去左南華會BBQ, 第一次喺building的天台BBQ, 背後係個golf場, 感覺很特別, 多謝細Joe為我哋選這個地方。那晚天氣很好, 不時都吹來涼風, 所以就算個場係逼左d, 但都不會覺得好熱。至於食物方面, 都係一般BBQ常見的食物, 對於一向對食冇乜要求的我, 都係唔好評論, 費事又被人話: "唔可以用helen的評論作準", haha

個晚除了Ar Bing因病冇嚟外, 都算好齊人, 有些真係好耐冇見, 但一見番個感覺都好親切, 好耐冇試過咁開心, 可能一來我啱啱考完試, 輕鬆左好多, 二來同大家傾計時真係可以想講乜就講乜, 完全唔使就住就住, 可以讓我暫時放低公司d麻煩事。

今日盡左公民責任投左票, 我個區只有兩個候選人, 街上的競選氣氛比上一屆更少, come on 可唔可以pro d ar?!

今晚終於有我等左好耐的新劇睇喇 超期待中...... 

SZ之旅

今日做了很多的第一次：第一次出Job---去SZ Office、第一次搭SZ 地鐵、去天虹購物廣場、関生請食Lunch、跟SZ Office 同事Yuki見面、跟Auditor 開會、回程時在上水乘A43在青馬收費站轉E32回家。

今次我是跟Dept Head 関生(日本人) & Senior "天真無邪"小姐（以下簡稱天真)去SZ 跟Auditor開會，前幾天已經有些担心、緊張，今天懷著戰戰兢兢的心情去。大約11:30我們3人便從公司起行，很快便到達羅湖火車站，過關後大約12:30，便乘搭地鐵，第一次搭SZ地鐵，幸好有他們帶著我這個大鄉里，如果唔係可能會多花很多時間或者行了很多冤枉路，車箱內感覺比香港的狹窄少少，其他則跟香港差不多，本應我們的目的地是車公廟，但関生話那裏沒有什麼好吃，所以叫我們提早兩個站下車即香蜜湖站，一出站便是天虹購物廣場，進入廣場後第一眼就見到大大的Jusco招牌，繼而係仙踪林、肯德基、和民等，感覺仍身處HK，最終我們選擇了一間西餐廳。在我們考慮食咩時，看見Menu上寫著latte的中文譯音為"拿鐵"，忍不住笑了出來，我當然第一時間跟天真說啦，跟著我們又笑得一餐，最後我同天真都choose三文治set lunch, 而関生則要海鮮飯，落order時天真竟真的choose latte, 並抵死地用廣東話話要拿鐵，真係俾佢笑死。冇諗過三文治會咁大件，我當然食唔晒，點知Waitor仲上埋甜品，好像是cheese cake, 不過個look唔係好掂，我同天真都冇要到，埋單要百多元，好像跟香港差不多，乜唔係話大陸食野平好多咩?

輕鬆地食完lunch後，緊張的心情又返來，好快就到了SZ office,那裏地方很少，不計算Japanese，只有4位local同事，由於個conference room俾日本人用左，Yuki就話要到樓下lobby 的餐廳傾，落到lobby便看到Auditor &他的同事，打完一輪招呼後，我們便入正題，在這個會內真的像語言大混戰，包括日文、英文、國語&廣東話，我有時真係轉唔切channel, 用國語同Yuki講完，跟著同関生講嘢，明明應該用英文講，但我仍然講國語。我哋大約傾了兩個鐘，最後大家有了共識，總算達到我們來開會的目的。

然後我們就搭lift上番office, 就係等lift 時，我們與Yuki閒談起來，Yuki話如果她來HK時就搵我哋帶地去逛街，但好快佢就話只叫我，因為佢話天真要陪男朋友，冇時間帶她去玩，天真好快就問佢：你唔俾Helen都要陪bf咩? Yuki 話：我估佢冇bf.  (心想：乜我個額頭真係寫住single?!) 上到office, 我們執拾行裝, 跟各同事say bye後，便回程。

最後要多謝天真教我在上水乘A43到青馬收費站再轉E車，這樣，我便可以唔使1個鐘就返到home. 

13 Oct 2007

真係好耐好耐冇update呢個Blog，今晚去屯門出席完一個gathering後，大家都提到寫Blog的話題，令我又好有衝勁返黎呢度。

首先要多謝壽星女Joanne，等我可以食到呢餐咁豐富的海鮮餐。仲要唔該余寶&翠兒為大家去三聖買咁多海鮮，包括龍蝦、聖子、蟹、蝦、蜆＆我最鍾意食的扇貝。而我同Visa就去左喜喜中國廚房攞位，雖然地方較偏僻，但酒樓內的格局都幾high架，有落地玻璃&水晶燈，空間寛敞，服務員的態度ok. 

等埋梁倩、阿寶&尤魚黎到，就叫廚房起菜，好快一碟碟美味的海鮮就送到我哋面前，我哋的攝影師余寶&Visa當然為美食拍下大特寫，而我就未等佢哋拍完已急不及待起筷，味道真係好得，碟碟都好食（可能因為我不留都喜愛食海鮮），唯一美中不足係碟蜆有d靱。最後仲有余慧買來的生日蛋糕cheese cake做甜品，真係好滿足，點知之後酒樓仲送上甜品，但我真係食唔落，真係唔知要做番幾多運動先可以抵銷。

等攝影師send左相俾我，再post番上黎俾大家欣賞。雖然都知自己唔可以日日update 呢個Blog，但希望今次唔會好似上次咁一停就幾個月先再寫，因為唔想再俾人話係三分鐘熱度，haha......

小畢走了

剛剛看了HKU Space Forum, 有同學報料：原來小畢已離開了Space, 仲要係被氣走, 真係有d心翕。小畢係教Taxation 的lecturer, 佢叫 Y Y Butt, "Butt" 係佢個姓, 佢成日叫自己做"小畢", so 我哋都會咁叫佢, 佢個人好nice, 講野又搞笑, Taxation呢科有好多條例都好難明, 而佢就會諗好多example去解釋, 聽完佢d example 就會好易明, 佢講野都有d寸, 有時d同學都會寸番佢, 大家寸來寸去, 好好笑, 不過都係玩吓, 開心吓。

小畢唔做原來係因為有個菲籍同學投訴小畢係上堂時講中文, (我哋呢個course 係列明所有科目都以英文教授的, 但當果一班沒有外籍同學時大部分老師都會以中文教授的, 因為怕我哋唔明)以我之前上小畢堂的經驗, if 有外國同學, 小畢會大部分時間用英文教授, 只係有一些複雜的內容, 以英文講完, 再用中文講多次。今次呢個賓賓就投訴小畢, 話佢咁樣會浪費她的時間, 而小畢的理據係佢想做到黎上佢堂的同學都明白佢講的野, 所以先至用中文講多次, 點知個賓賓話: 咁為求公平, 你應該以菲律賓話講多次。之後呢個賓賓仲持住佢老公係律師, 話要告小畢, 向完Space 投訴仲唔夠, 仲要嘈到去HKU, 原來呢個世界真係有d人食完飯冇屎痾架！可能就係因為佢搞到咁大件事，Space為求息事寧人，就俾壓力小畢，要佢唔好講中文, 唔知小畢係咪唔接受Space 呢d規矩，而決定離開。知道呢個消息只慶幸自己能夠做到小畢的學生，亦戥以後的師弟師妹可惜冇左呢個咁好的老師。唔知小畢去左邊間教呢?不過佢咁有料，同埋咁有Heart, 實有人爭住請佢，留係Space都係晒左佢。